Hospitaalli Kompireensiivii Ispeeshaalayizidii Yuunivarsiitii Wallaggaa tajaajila (Hemo Dialysis)Miicaa Dhiigaa fi kutaa qorannoo maalummaa,amaloota baakteeriyaa fi duubdeebii qorichoota farra baakteeriyaa Guyyaa Har’aa eebbisiisuun ifatti tajaajila eegale.
Sirna eebbaa kana irratti Piresindaantii Yuunivarsiitii Wallaggaa kan ta’aan Dr Tesfaayee Lammaa fi Manajimeentii Yuunivarsiitichaa fi inistiityuutii saayinsii Fayyaa Yuunivarsiitii wallaggaan Tajaajilli HeemooDiyaalisisii fi tajaajila qorannoo maalummaa, amaloota baakteeriyaa fi duubdeebii qorichoota farra baakteeriyaa Guyyaa Har’aa eegalame.
Hospitaalli Kompireensiivii Ispeeshaalaayizdii Yuunivarsiitii Wallaggaa hospitaala barsiisaa fi Yaalii giddu galeessaa ta'ee argama. Lixa Oromiyaatti tilmaamaan ummata miliyoona 5-10 tajaajila.
Dhukkubsattoonni kanaan dura Tajaajila Miicaa Dhiigaa (Hemodialysis), Qorannoo Indoskooppiin argachuuf Gara Magaalaa Finfinnee fi Jimmaatti imalaa turan baasii fi dhamaatii guddaaf osoo hin saaxilamin tajaajila qorannoo dhiyeenyatti Kan argatan ta’a.
Gaggeessan Olaanaa Instiitiyuutii Saayiinsi Fayyaa Yuunivarsiitii Wallaggaa kana ta’aan Dr. Masarat Ballaxaa akka jedhanitti Hospitaalichi tajaajila kana eegaluun baasii fi dhamaatii hir’isa kan jedhan yoommuu ta’uu , dhiyeessii qorichaan cinatti tajaajila Miicaa Dhiigaa (Hemodialysis) eegaluun hawaasa naannichaaf fayyidaa guddaa qaba jedhan.
Dabalataan Qaamolee galma gahiinsa kanaaf gahee isaanii bahaniif Waraqaan galatoomaa Karaa Pirezedaantii Yuunivarsiitii Wallaggaa fi Hoji geggeessaa olaanaa Instiitiyuutii Saayinsii fayyaattin kennameera.
Kana malees Biiroon Fayyaa Oromiyaas meeshaalee kanaaf Birrii miliyoona 20 ta’u deeggarsa taasisuu isaaf galateeffataniiru. Dr Masarat.
Tajaajilli kun eegaluun Jiraattoota Magaalaa Naqamteefi Lixa Oromiyaaf lubbuu baraaruun cinatti tajaajila kana argachuuf Gara Magaalaa Finfinnee fi Jimmaatti imalaa turan baasii fi dhamaatii guddaaf osoo hin saaxilamin Hawwaasni tajaajila tajaajila Yaalii dhiyeenyatti Kan argatan ta’uu dubbatniiru.
Tajaajilli kutaa kompaawundii oomishaalee qoricha gabaa irratti hin argamne dhiyeessuu Guyyaa Har’aa eebbisiisuun hojiin eegalameera.
